Estimataj gesamideanoj,

Kiel esperantistoj tutcerte vi sentas solidarecon kun logxantoj en la Tria Mondo. Mi permesas al mi konatigi vin kun aktivadoj de Karmelana Ordeno en Centrafrika Respubliko, kies misiejoj strebas mildigi ege malfavorajn vivkondicxojn en tiu parto de la afrika kontinento. Ni opinias, ke ankaux esperantistoj estas kapablaj kontribui al tiuj cxi bonfaraj aktivadoj. La cxehxaj esperantistoj frunte kun s-ro Miloslav Švácek - prezidanto de Internacia Katolika Unuigxo Esperantista, klopodas iom helpi tiucele, tradukinte esperantlingven tre interesan libron de D-ro Marcel Drlík "Cxehxa Kuracisto en Koro de Afriko", kiu pasigis unu jaron en Centrafrika Respubliko, por sengajne helpi al la suferanta logxantaro de tiu lando.

La esperantlingvan version de la menciita libro de D-ro Marcel Drlík eldonas Karmelana klostro
cxe Jesu-Infano de Praha, Cxehxa Respubliko, merite de Patro Anastasio Roggero - gxia prioro.
Pro perigo de bezonataj kontaktoj meritas dankon ankaux prezidanto de Esperantista Reta Klubo
en Italio s-ro Giuseppe Affaticati.

Por akiro de pli detalaj informoj pri aktivadoj de la karmelana misio en Centrafrika Respubliko bv. viziti jenajn interretajn pagxojn: http://mujweb.cz/www/esperanto/misio.html

Rekomendinda estas jena mallonga video-prezentajxo el menciita afrika misiejo, pere de kiu vi vidos plantejojn de oleaj palmoj, kiuj tie ekestis sub gvido de la karmelanoj. La indigxena popolo
tiel havas la eblecon labori, vendi la produktojn kaj tiel plibonigi sian ekonomian situacion. Danke
al projekto de la karmelanoj almenaux iomete povas plibonigxadi la situacio kaj la vivo en tiu cxi
la plej malricxa lando. En la video-prezentajxo vin akompanos Patro Anastasio Roggero, italo, prokuristo de la karmelana misio en Cetrafrika Respubliko kaj Prioro de Klostro de Jesu-Infano
de Prago en Cxehxio.

Krom la menciita projekto oni povas pere de sekva video-prezentajxo konatigi kun la projekto 
de edukado: http://cdn.mediaibox.com.br/get_pointer.aspx?MMEDIA=1095
Kaj fine la fragmenton el la esperantlingva versio de la libro de D-ro Marcel Drlík oni povas legi 
per: http://mujweb.cz/www/esperanto/CEHA_KURACISTO.html

La esperantlingva versio de la libro "Cxehxa Kuracisto en Koro de Afriko" kun tre interesa enhavo estos je dispono al partoprenontoj de la 59-a Kongreso de IKUE okazonta de la 8-a gxis la 15-a de julio 2006 en fama pilgrimloko Velehrad en Cxehxa Respubliko (www.esperanto.cz/ikue). 
Per acxeto de la libro (kaj libervolaj mondonacoj) oni subtenos la aktivadojn de la karmelanoj prospere al suferantaj logxantoj de centra Afriko.


Cxiuj esperantistoj estas petataj subteni tiun projekton kaj esprimi tiel sian samideanan solidarecon kun suferantaj logxantoj en t.n. Tria Mondo, precipe kun la kompatinda lando Centrafrika Respubliko.

Al cxiuj tre kore antauxdankas kaj cxiujn samideane salutas
Olga Glendová, Praha, Cxehxa Respubliko