Mi devis atendi iun sur la strato Vilmos.  La atendado lacigis min, mi volis eksidi sur strata benko.
Sed ne eblis, cxar sxnureto pendis de unu fino de la benko gxis la alia.
Sur la sxnureto trovigxis paperpecoj je spana distanco .  Tio signifis: la benko estas fresxe sxmirfarbita. 
Baldaux alvenis tiu, kiun mi atendis. Cxar li sociologie estas iom neinstruita, kaj gxenerale li ne kapablas plej gxuste prijugx la cxie videblajn fenomenojn , mi faris al li instruon:
- Kio estas tiu signo sur la benko? - mi demandis.
- Cxu tiu ? - Tion ecx blindulo povas vidi.
- Mi ne kredas tion. Tio ne videblas ecx por cxiuj havantaj sanajn okulojn.
   Ekzemple vi certe ne scias, kion precize signifas tiu signo?
- Ne sercxu. Cxu tion mi ne scius?! 
   Tiu signo signifas:  Bonvolu atenti kaj ne eksidi sur la benko,  cxar gxi estas fresxe sxmirfarbita,
   la farbo ankoraux malseka kaj se oni sidigxas sur gxi, la vestajxo difektigxos.
- Jen estas la eraro! La indiko vere signifus tion ekzemple en Svislando aux Danio.
- Kaj cxe ni?
- Cxe ni: Eksidi estas malpermesate!
   La farbo ankoraux ne sekigxis, kaj se oni eksidas, forigos la farbon per la vestajxo!

1930 

* * *