 |
|
retadreso :
gazeto@internacia-gazeto.com Jaroslav Karhan 17.02.2010 ______________________________________________________________________ Jeremi Gishron - imitinda pioniro de Homekologio |
Hodiaux, la 17-an de februaro 2010, ni rememoras, ke antaux 2 jaroj subite forpasis Jeremi Gishron, kiu farigxis imitinda, modela pioniro de Homekologio. Jam en jaro 1976 li fondis en Jerusalemo la esperantan instituton "Centro Sivron", kies agadmisio estis : "Kie Zamenhof finis SIAN, ni dauxrigu LIAN laboron, kun gxuste tiuj samaj ideoj". La Zamenhofa tutviva laboro konsistis el kreado de iloj, kapablaj realigi la tuthomaran unuecon en diversecoj lingvaj kaj religiaj. Por tia unueco en sfero lingva, li kreis universalan lingvon Esperanto, kiu sukcese divastigxis tutmonde. Lia laboro por tia unueco en sfero religie-morala estis trarompita per eksplodo de la unua mondmilito /1914/, dum kiu li bedauxrinde ecx forpasis /1917/, en agxo de nur 58 jaroj. Pri gxi restis liaj verkoj Hilelismo /1905/ kaj Homaranismo /1906/, kiuj havas adeptojn bedauxrinde ne multajn. Krome - post cent jaroj - kelkaj iliaj ideoj arkaigxis, tamen ilia universale akceptebla, religie-morala kerno estas absolute gxusta kaj jxus ecx niaepoke - por harmoniigo de tuthomara vivo - urgxe realigenda. Jeremi Gishron, en sia Centro Sivron, fakte dauxrigis tiun-cxi trarompitan laboron de Zamenhof. gxiakadre li eldonadis la "Jerusaleman bultenon", en kiu li raportis pri eblaj rezultoj de tiu-cxi laboro. Lastatempe la plej grandan atenton li dedicxis al tiu-cxi alternativa rezulto: la koncepto Homekologio, kiu sintezas la universalan lingvon Esperanto kun universala etiko el Homaranismo. Krome li ankaux fondis, en la reta "Internacia gazeto" //www.internacia-gazeto.com specialan fakan parton Homekologio. Pro lia bedauxrinda forpaso, la "Jerusalema bulteno" cxesis aperadi, sed en la reta "Internacia gazeto" konstante dauxrigas publikigado de pluaj artikoloj pri evoluado de Homekologio. En ili estas diversaj ideoj kaj instigoj por tutmonda popularigado de Homekologio. La plej gravaj estas en jenaj - tie-cxi jam publikigitaj - artikoloj: 1 - "Nova fako Homekologio" /Informfolio de Centro Sivron pri siaj publikajxoj pri Homekologio./ 2 - "El Jerusalemo ekbrilis la Komenia "Vojo de Lumo". "/Trarigardo de aktivado de Jeremi Gishron, enkadre de sia Centro Sivron, por Homekologio./ 3 - "Fundamento de Homekologio" /Baza koncepto de Homekologio. kiun Jeremi Gishroin - senpere antaux sia - forpaso finprilaboradis kaj intencis eldoni. Estas sercxata gxia nova finkompilonto./ 4 - "Homekologio - realiganto de la Zamenhofa vivmisio." /Enhavas la Zamenhofan poemon "Pregxo sub la verda standardo" , kompletigitan per Jeremi Gishron je plua strofo pri misio de Homekologio./ 5 - "Ekde Komenio al Zamenhof kaj Obama." /Homekologio - helpilo por realigado de ideoj el la Komenia verko "Vojo de Lumo" al tuthomara harmonio ecx de la instigo de Obama - tuj post lia inauxguro - al sxtatestroj: "Ni ne plu konkuru en detruado, sed en konstruado!" 6 - "Kiu estis doktoro Zamenhof?" /Enhavas instigon por homekologia edukado de cxiuj infanoj sur nia planedo, por perspektiva realigo de komplekse pli nobla, homdigna, harmoniplena vivo sur gxi./ La misio de Homekologio estas: fine jam realigi la Zamenhofan vizion pri tuthomara harmonio, esprimitan en la Esperanto-himno. Cxiu, kiu konsentas kun tiu-cxi gxia misio, povas farigxi gxia pioniro, analoge kiel Jeremi Gishron. Cxiu povas - laux siaj ebloj - elekti iujn el la ideoj kaj instigoj en tiuj-cxi artikoloj kaj provi, en siaj vivmedioj, realigi ilin. Cxiu tiacela aktivulo bonvolu pri sia agado informi nian redakcion. Koran antauxdankon al cxiuj! Jaroslav Karhan |
|
Komentojn pri cxi tiu artikolo vi povas sendi al : gazeto@internacia-gazeto.com |