Enkadre de chi semajno okazis la 60-a Kongreso de Internacia Katolika Unuigho Esperantista /IKUE/ kaj 57-a Kongreso de Kristana Esperantista Ligo Internacia /KELI/ kaj ankau la 8-a JET - Junulara Esperanto-Tendaro. En tiuj aranghoj partoprenis 225 geesperantistoj el 20 landoj, la plej maljuna el inter ili estis la svedo - 86-jaragha kaj la plej juna - Francisko - kvarmonata.

La moto de la Kongreso estis prenita el Biblio / 1 Joh4,16/ "...Dio estas la amo..". La chefa donaco de Jesuo - kaj ni...? - videblis la demando sur la kovrilpagho de laKongresa Informilo, kiu ricevis chiuj cheestantoj de EEK en Pelplin.

Dum la Kongreso estis multaj okazoj por preghadi kaj meditadi dankante por la Dia amo dum la ekumenaj diservoj kaj lekcioj surbaze de la komuna preghlibro ADORU kaj audante kelkaj lekciistoj. Chiuj, kiuj antaue neniam partoprenis en evangeliaj Sanktaj Manghoj, havis tian eblecon en Pelplin kaj chiuj kiuj neniam ghis nun cheestis en la katolika Sankta Meso - ankau povis fari tion en la nunjara pelplina EEK-o.

La devizo de la ekumenismo inter la kristanaj medioj estas la bone konata eldiro - POR KE CHIUJ ESTU UNU, kiu, kiel shajnas, la plej bone sonas en la lingvo internacia - Esperanto. Shajnas tamen ankau, ke por ke chiuj gekristanoj estu unu oni devas ankorau melte preghadi kaj multon faradi, renkontighante kiel eble - plej ofte en diversaj landoj. En Pelplin certe oni iomgrade konvinkis, ke same katolikoj kiel ankau evangeliaj kredantoj - geesperantistoj povas amikighadi dank al la komuna Dia Amo.

En la pelplina EEK-o partoprenis kelkaj katolikaj pastroj - la konataj animzorgantoj de esperantistoj en Pollando kaj inter ili ankau Sac. Roman Gmyrek la posteulo de Pastro Jozefo Zielonka el Tarnów - kiu preskau dum lastaj tridek jaroj, estante la nomumita flanke de la Konferenco de Pola Episkoparo ekfaris la grandiozan laboron por la polaj katolikaj geesperantistoj. Pastro Jozefo povas ankorau fari multon por la laudado de Dio en Esperanto - por la unuigho de chiuj kristanaj gesamideanoj. Por chio - kion Li faris ghis nun preskau chiuj polaj geesperantistoj estas al Li ege dankemaj.

En la pelplina EEK partoprenis la estro de Tutmonda Ortodoksa Ligo Esperantista / TOLE/ - Prof. Bojhidar Leonov, kiu invitis chiuj gekongresdanojn al la lauvica - 19-a EEK en Bulgario, kvankam estas ankau la ideo kongresi ekumene en Francio. En la venonta jaro katolikoj kongresos en Rimini - Italio kaj evangeliaj gekredantoj en Slovakio. Dum la EEK-o en Pelplin dancis kaj multe kantis en Esperanto la junulara pelplina ensemblo - MODRAKI / La Cejanoj/ - kiu ege plachis al chiuj spektantoj - EEKongresanoj.

Dum la EEK en Pelplin estis elektita la nova estraro de IKUE en kiu la ghisnunan estraranon - polon - Bogusław Sobol anstatauigis alia polo - Stanisław Śmigielski, kiu estas tre dankema por chiuj, kiuj vochdonis por chi tiu kandidatigho por IKUE-Estraro por lavicaj kvar jaroj. La novelektita polo, kvankam por la estraro de la internacia organizo - IKUE, sentas la bezonon kaj anoncas la pretecon entrepreni la farendajhon en Pola Katolika Esperantista Unuigho.

Certe pri la EEK-o en Pelplin AD 2007 oni ankorau multe parol/ad/os kaj skrib/ad/os, sed tiaj impresoj estas skribeblaj nur tri tagoj post ghia finigho kaj el la vidpunkto de la pola partoprenanto.

Stanisław Śmigielski