Post nau sukcesaj konkursoj (1998–2006) la redakcio de "La Ondo de Esperanto" invitas al partopreno en la deka Internacia Fotokonkurso. En la fotokonkurso rajtas partopreni cxiu fotemulo amatora aux profesia, sendepende de la logxlando kaj lingvokono. Unu persono rajtas partopreni per maksimume 5 fotoj. La minimuma formato estas 15×20 cm. Fotoj povas esti koloraj aux nigra-blankaj, vertikalaj, horizontalaj kaj aliformataj. Fotoj senditaj elektronike ne estas akceptataj. 

La konkursaj fotoj devas esti senditaj al la sekretario de la konkurso,  Halina Gorecka (RU-236039 Kaliningrad, ab. ja. 1205, Ruslando). La fotoj devos atingi la sekretarion antaux la 1-a de decembro de 2007.

La konkursajxoj devas esti subskribitaj per pseuxdonimo. En aparta koverto  kunsendata devas esti slipo kun la pseuxdonimo, vera nomo, posxta adreso kaj retadreso (se estas) de la auxtoro. Oni povas aldoni titolon aux klarigan noton al la fotoj. En la konkurso ne rajtas partopreni fotoj jam > premiitaj aux publikigitaj. 

Jugxkomisiono aljugxos premiojn al la lauxreatoj: 

1.  50 euxroj kaj abono de "La Ondo de Esperanto" en 2008. 

2.  25 euxroj kaj abono de "La Ondo de Esperanto" en 2008. 

3.  abono de "La Ondo de Esperanto" en 2008.

Speciala premio (50 euxroj kaj abono de "La Ondo de Esperanto") por la plej bona foto pri la temo Festoj.  Cxiu premiito ricevos diplomon. La rezulto estos anoncita en "La Ondo de Esperanto". La organizanto de la konkurso havos gxis la 31-a de decembro en 2009 ekskluzivan rajton uzi la ricevitajn fotojn en papera kaj elektronika formo kaj en ekspozicioj. Poste la publikigo-rajton havos kaj la organizanto kaj la auxtoroj. 

Halina Gorecka 

sekretario, sezonoj@kanet.ru 

fonto: Ret-info: > http://www.eventoj.hu