Altestimataj s-inoj kaj s-roj, karaj geamikoj,

konsternite mi ricevis la sciigon, ke kadre de planata reformo de la ghenerala programstrukturo, la nova direktoro de la Pola Radio subtenas la ideon de forigo de la Esperanto - Redakcio.
La redakciestrino Barbara Pietrzak ne havas eblecon pri tio paroli, almenau ne nun, dum la chiutagaj emisioj.

Oni imagu, de la jaro 1959 ekzistas esperanto-elsendoj de la Pola Radio kaj ghis hodiau la malmultnombra redakcio ricevas plej multe de la alvenantaj sendajhoj de la auskultantoj.
Nur tri jaroj ghis la 50 jarigho de la esperanto elsendoj el Polando kaj la planata UK en la naskighlando de la lingvo Esperanto.

Kion ni faru? S-ino Pietrzak opinias ne tauga skribi al la Pola Radio mem, sed prefere skribi al polaj kulturaj institutoj kaj la pola ambasado de via popra lando. Necesas tuja reago! Ni bezonas 
lavangon de savo kaj subteno kaj de leteroj! Diskonigu la malbonan novajhon per viaj plej rapidaj rimedoj kaj skribu mem kaj petu viajn esperantajn geamikojn reagi hodiau ankorau!

Interreto donas la shancon al la tutmonda esperanto popolo doni respondon al la maltauga ideo de subpremo de la chirkaumonda deziro daure havi tian lingvan servon.

Kiu alia lando havus pli firman ligon al la zamenhofa lingvo ol ghuste pollando. Tie naskighis la ideo pri neutrala internacia lingvo, kiu dum la paso de preskau 120 jaroj alportis la fundamenton 
kaj konvinkon al la homaro, ke per neutrala lingvo estos grundo tauga por amike interrilati.
Estus ne eltenebla perdo por la esperanto kulturo kaj almenau ne venkebla retropasho en la disvatigo de nia ideo.
Ekagu!

Salutas amiko de Esperanto Reinhard Wagner (Hannovera grupo)

Dangxero! - Oni volas cxesigi Esperanton cxe Pola Radio!

Karaj Gesamideanoj!

Meze de la jaro sxangxigxis la auxtoritatoj de la Pola Radio Akcia Kompanio. La lauxvican fojon sxangxigxis la superuloj de gxia Poreksterlanda Programo "Radio Polonia". Relative longe ni ne konis la novan programan vizion de la publika radio kaj de Radio Polonia, kies programo estas realigata interkonsente kun la pola Ministerio por la Eksterlandaj Aferoj. Hodiaux mi devas komuniki kaj informi, ke en tiu cxi vizio forestas Esperanto Redakcio. Gxian forigon premisas la projekto de nova strukturo de Pola Radio, inkluzive de gxia Poreksterlanda Programo "Radio Polonia". Cetere temas pri la unusola redakcio, kiu cxesos ekzisti en Radio Polonia. 

La menciita projekto estis afisxita sur la internaj retaj pagxoj de Pola Radio AK, marde posttagmeze, rekte antaux la komencigxantaj festoj de Cxiuj Sanktuloj kaj la Mortintoj. Laborantoj rajtas prezenti siajn rimarkojn al la prezidanto de la kompanio, K. Czabanski gxis la 10-a de novembro.

La novaj radioauxtoriatoj ekfunkciis fine de julio nunjare. Jam dum la unua renkonto kun la superulo de Radio Polonia ni eksciis pri neceso kontrauxbatali "postkomunistajn influojn, regantajn en tiu programo de 16 jaroj". Komence de oktobro la sama membro de la radiaj auxtioritatoj signalis estontecan koncepton de nia programo. Laux gxi al signifa plukonstruo subigxos programoj en la ukraina kaj belorusa lingvoj, oni enpraktikigos instrukciadon de jxurnalistoj el
Ukrainujo kaj Belorusujo kaj por la jxus menciitaj landoj, oni intensigos pollingvan emisiadon al cxi tiuj landoj. Fakte la lingva oferto de Radio Polonia estas difinata fare de la pola Ministerio por la Eksterlandaj Aferoj. En la lasta kontrakto el la nunjara majo Esperanto en gxi trovigxas. Sed nun la radia projekto ekskludas gxin. La situacio estas drameca, cxar la sxangxoj estas efektivagataj en la lastaj tagoj fulmrapide. Oni ricevas la impreson, ke la nova administracio de la publika radio
havas verdan lumon por cxiuj siaj ideoj. Dum miaj provoj klarigi la signifon kaj atingopovon de niaj elsendoj, la viglajn reagojn el diversaj landoj de la mondo interparolante kun miaj novaj superuloj
mi ricevis lakonan respondon "ni scias". Mi estis ankaux informita, ke pri la estonteco de la E-Redakcio decidos Ministerio pri la Elsterlandaj Aferoj. Cxu tia decido estis efektive alprenita, mi ne scias.

Malgraux cxio ­ sxajnas al mi ­ ke ne eblas allasi, ke la eventuala malapero de Esperantlingvaj programoj de PR restu seneha. Tial mi petas vian subtenon. Unuavice pere de nacilingvaj korespondajxoj direktataj al polaj AMBASADOJ, polaj kulturinstitutoj en diversaj
landoj kun la demando pri la estonteco de la E-Redakcio de Pola Radio. Kun elmontro de intereso por gxia promocia rolo koncerne Pollandon, koncerne gxian orientan politikon, kiu estas difinata
kiel la orienta politiko de EU. Gravas ­ plurfoje esprimita ­ de niaj auxskultantoj opinio, ke niaj elsendoj estas por ili unu el malmultaj aux ecx unusola informfonto pri Pollando, gxiaj atingajxoj
kaj progresoj, sed krome pri Belorusio kaj Ukrainio.

Ni bezonas ankaux similenhavajn leterojn adresitajn al la redakcio, por ke ili rolu kiel argumento en niaj rimarkoj, kiujn ni volas adresi al la prezidanto de PR gxis la 10-a de novembro nunjare.
Ne suficxas protesti, ne suficxas esprimi sian indignon. Estas necesaj sobraj, trankvilotonaj argumentoj.

Kvankam malfacilas tion konstati, sxajnas, ke nia redakcio dividos la sorton de aliaj E-redakcioj, kiuj malaperis en la lastaj jaroj en diversaj radiostacioj. Tio estas tutcerte frapo por la promocia
rolo de tiuj cxi elsendoj pri Pollando kaj gxiaj transformigxoj. Gxi estas frapo antauxtage de la 150-a naskigxdatreveno de la kreinto de la IL, d-ro L. L. Zamenhof ­ aparte en la kunteksto de la planta Jubilea Kongreso en la 2009.

Barbara Pietrzak
Esperanto-Redakcio de Pola Radio
retadreso: "esperanto@polskieradio.pl"

Noto de red.:

Ni volas emfazi, ke laux la peto viajn protestleteron sendu al la vialanda AMBASADEJO de Pollando, kaj kopie al la E-redakcio en Varsovio: "esperanto@polskieradio.pl"

Adresojn de vialanda pola ambasadejo vi plej simple trovas cxe la retpagxo: 
http://www.mfa.gov.pl/Polish,Missions,Abroad,2143.html

fonto: Ret-info: